اسرجت لجزال القصيد التعابير, ونوخت في روض الفرايد رحاله
عديتها روس السراوات والنير , اطلقت لعنان الرهاوي خياله
شاعر واكفي عن حضور الشواعير, وان ثقلوا حمله عليه ارتكاله
اوقف ولا لي عن وقوفي معاذير, وامدح ولا لي في مديحي جماله
من صادق احساس ومحبه وتقدير, احمل من الشعب الكويتي رساله
للي حضوره غير ومواجهه غير, ومن حسن حظي يوم اوقف قباله
شيخ الشيوخ مسطر المجد تسطير, قرماً تفرد في المزايا لحاله
خصايله تطقى على كل تعبير, لو امدحه وشلون اعدد خصاله
إن جيت اوثق سيرته بالحذافير, كني غرفت من البحر بالبياله
حتى ولو يظهر من المدح تقصير, نقص المديح بـ سيدي من كماله
رمز البلد وجهه السعد والتباشير, راس الهرم تاج الكرم والعداله
ستر العفاف الفارعات الغنادير, الضافي الي ظلنا من ظلاله
أبو طلال مسخر مصعب تسخير, نوخ على روس المعالي جماله
سليل حكام الصباح المناعير, سلالتً يا طيبها من سلاله
يا ضلعنا النايف بوجهه المعاصير, يا تاج راس الشعب يا راس ماله
يا ذخر ربعك في الليالي المعاسير, يا فخرهم في منهجه واعتداله
يا اطهر قدم تاطى على القاع وتسير, يا صفوة اصحاب السمو والجلاله
الي تبيه يصير بإذن الله يصير, لأجلك تصير المستحيله سهاله
دونك رجال ماتحسب المخاسير, واحدهم اردى ما يقدم عياله
نمشي معك وفـ طاعتك دون تفكير, شعباً فدا لأرضه وعرضه وماله
قدنا على حد السحاب المزابير, واحمل بنا ما لا يطاق احتماله
وخل اصغر احلامك على قل تقدير, لمس الطموح الي بعيداً مناله
بقيادتك تقصر طوال المشواير, وفي عزومنا مافي الصعاب استحاله
وبجهودنا نصنع حضارة وتطوير, ونعيش ولنا في سما المجد هاله
مجداً يدون في القصص والاساطير, يُضرب على قو العزايم مثاله
تاريخنا حافل ولا فيه تزوير, مرجع مفاهيم الفخر والأصاله
و أميرنا ماهو بـ حي الله امير, سيفاً بوجهه اهل الفتن والظلاله
يقطع طريق المنحرف والمعيثير, لا شط عقل المنهبل من هباله
ينوخه كانه منوخ له بعير, ويعقله ولا تحرك عقاله
هذا الوطن وان كان بحدوده صغير, تمطر على كل البسيطه خياله
نذراً علينا لو تدور المقادير, نموت مانرخص شبر من رماله
نورد على حوض المنايا طوابير, ومن مات من دون الوطن طاب فاله
هذي بلاد الخير يا مشعل الخير, متجليه مثل البدر بـ اكتماله
من دونها حد السيوف الشواطير, والي دنى منها دنى من زواله
إن ما وفينا لأجلها مابنا خير, يشهد على الشعب الكويتي نضاله
خل الكلام الي يجي دون تبرير, واخذ الصحيح الي عليه الكفاله
لولا العداله تستباح المحاذير, و لولا المشوره تستبد الجهاله
و إن طالت الفتنه شعوب وجماهير, تمسي على حاله وتصبح بحاله
تنهش بها وتدمر الارض تدمير, وتفنى الديار العامره لا محاله
عشنا وشفنا واتعظا من الغير, ولنا من الواقع شهود ودلاله
الحلم يثمر في الوجيه المسافير, والحزم يفرض هيبته من رجاله
ولو ما يكون الرادع الحكم تأثير, كلن بـ يفعل في البلد ما بدا له
و ان ربعوا فيها عبيد الدنانير, من صادها عشا عليها عياله
اسرجت لجزال القصيد التعابير, ونوخت في روض الفرايد رحاله
عديتها روس السراوات والنير , اطلقت لعنان الرهاوي خياله
شاعر واكفي عن حضور الشواعير, وان ثقلوا حمله عليه ارتكاله
اوقف ولا لي عن وقوفي معاذير, وامدح ولا لي في مديحي جماله
من صادق احساس ومحبه وتقدير, احمل من الشعب الكويتي رساله
للي حضوره غير ومواجهه غير, ومن حسن حظي يوم اوقف قباله
شيخ الشيوخ مسطر المجد تسطير, قرماً تفرد في المزايا لحاله
خصايله تطقى على كل تعبير, لو امدحه وشلون اعدد خصاله
إن جيت اوثق سيرته بالحذافير, كني غرفت من البحر بالبياله
حتى ولو يظهر من المدح تقصير, نقص المديح بـ سيدي من كماله
رمز البلد وجهه السعد والتباشير, راس الهرم تاج الكرم والعداله
ستر العفاف الفارعات الغنادير, الضافي الي ظلنا من ظلاله
أبو طلال مسخر مصعب تسخير, نوخ على روس المعالي جماله
سليل حكام الصباح المناعير, سلالتً يا طيبها من سلاله
يا ضلعنا النايف بوجهه المعاصير, يا تاج راس الشعب يا راس ماله
يا ذخر ربعك في الليالي المعاسير, يا فخرهم في منهجه واعتداله
يا اطهر قدم تاطى على القاع وتسير, يا صفوة اصحاب السمو والجلاله
الي تبيه يصير بإذن الله يصير, لأجلك تصير المستحيله سهاله
دونك رجال ماتحسب المخاسير, واحدهم اردى ما يقدم عياله
نمشي معك وفـ طاعتك دون تفكير, شعباً فدا لأرضه وعرضه وماله
قدنا على حد السحاب المزابير, واحمل بنا ما لا يطاق احتماله
وخل اصغر احلامك على قل تقدير, لمس الطموح الي بعيداً مناله
بقيادتك تقصر طوال المشواير, وفي عزومنا مافي الصعاب استحاله
وبجهودنا نصنع حضارة وتطوير, ونعيش ولنا في سما المجد هاله
مجداً يدون في القصص والاساطير, يُضرب على قو العزايم مثاله
تاريخنا حافل ولا فيه تزوير, مرجع مفاهيم الفخر والأصاله
و أميرنا ماهو بـ حي الله امير, سيفاً بوجهه اهل الفتن والظلاله
يقطع طريق المنحرف والمعيثير, لا شط عقل المنهبل من هباله
ينوخه كانه منوخ له بعير, ويعقله ولا تحرك عقاله
هذا الوطن وان كان بحدوده صغير, تمطر على كل البسيطه خياله
نذراً علينا لو تدور المقادير, نموت مانرخص شبر من رماله
نورد على حوض المنايا طوابير, ومن مات من دون الوطن طاب فاله
هذي بلاد الخير يا مشعل الخير, متجليه مثل البدر بـ اكتماله
من دونها حد السيوف الشواطير, والي دنى منها دنى من زواله
إن ما وفينا لأجلها مابنا خير, يشهد على الشعب الكويتي نضاله
خل الكلام الي يجي دون تبرير, واخذ الصحيح الي عليه الكفاله
لولا العداله تستباح المحاذير, و لولا المشوره تستبد الجهاله
و إن طالت الفتنه شعوب وجماهير, تمسي على حاله وتصبح بحاله
تنهش بها وتدمر الارض تدمير, وتفنى الديار العامره لا محاله
عشنا وشفنا واتعظا من الغير, ولنا من الواقع شهود ودلاله
الحلم يثمر في الوجيه المسافير, والحزم يفرض هيبته من رجاله
ولو ما يكون الرادع الحكم تأثير, كلن بـ يفعل في البلد ما بدا له
و ان ربعوا فيها عبيد الدنانير, من صادها عشا عليها عياله