تجربة خدمة غسيل السيارات أمام المنزل مع @CarSpa_KW

مرات تمر عليك أيام تنشغل ما تقدر تودي السيارة لمحطة الغسيل والغبار والأتربه كل شوي تزيد بالسيارة حتى ملمس السكان والجلد يتغير عليك فقررت أجرب هالخدمة اللي توفرها CARSPA بعد ما سمعت عنها عن طريق مغردين في تويتر..

وكانت البداية جداً بسيطة بمجرد الإتصال عليهم وإعطائهم عنوانك يبلغونك بالساعة اللي راح يحضرون فيها وراح يوصل لبيتكم باص صغير مجهز بالكامل بكل الأجهزة اللي يحتاجونها لتنظيف السيارة من “ماطور” إلى مكينة ضغط هواء وحتى مايهم معاهم

بالإضافة إلى مواد خاصة لتنظيف الجلد والرنقات والأرضية وحتى فتحات التكييف والأزرار وسقف السيارة وأبوابها من الداخل والخارج .. ليما صارت تلمع كأنها توها طالعه من الوكالة 🙂

التنظيف كان دقيق جداً حتى في الأماكن الضيقه وأسفل الكراسي .. وختموا عملهم بتعطير السيارة ووضع علبة مناديل مع قلم 🙂

يقدمون خدمات الغسيل أمام المنازل على مستويات من 4 دنانير إلى 49 دينار وهي الـSuperVIP الغسيل والتنظيف والتلميع والبوليش الكامل ..

وحجز الموعد كان عبر رقمهم:

لحجز موعد أو الاستفسار 60430430

وحسابهم في تويتر هو Carspa_kw@

والانستغرام Carpsa_kw