فيديو: أوبريت قصة شعب | الكويت 2013

رابط

الأوبريت الغنائي “قصة شعب”

عمل شبابي رائع يلخص الأحداث في السنوات الـ5 الأخيرة

..

نص الأوبريت:

اخدعونا وعيّشونا في وهم ..
قالوا انتو خير امه بالامم ..
والمواطن غارق فبحر النعم ..
نايمين و ماكلين و شاربين ..
 
قالوا الدستور هو حصن البلاد ..
يكفل الاراء و حقوق البلاد ..
والقياده همها دحر الفساد ..
هكذا طبع القياده من سنين ..
 
والصحيح اللي ذكرنا مو صحيح ..
والبلد متدهور ومنهم يصيح ..
والقياده چذبها چذبٍ صريح ..
اسمعونا و افهموا يا سامعين ..
 
بنحچي لكم قصه لها خمسة سنين ..
تجسدت فيها معاني البطوله ..
يوم اقلبوا بالدار كل الموازين ..
وساد الفساد و كلهم صفقوا له ..
صاحوا شباب الدار وسط الميادين ..
ارحل و لازم تفهم اللي تقوله ..
 
سمعونا شصار شجرى ..
مجلسنا صار طرطره ..
وبجيب السلطه اشكره ..
والفاسد الفاسد الفاسد الكل قدّره ..
والديره ترجع لي ورى ..
 
احنا احنا نرفض .. احنا نرفض ..
الفساد اللي سرى بكل المدينه ..
والقياده اللي انهبتها ..
تحت رايتهم غدينا غدينا غدينا ..
و ما رضيتا تضيع ديرتنا و بالعزه مشينا ..
 
ولما الشعب واجههم .. واجههم بسلميه .. 
قالوا مو على كيفك .. تطلع عاللي نقوله ..
بس اسمع وطيع وخاف .. والسلطه مسؤوله
 
قاموا يقمعون الناس .. والتعبير بالكلمه ..
حتى بيوت خلق الله .. ما خلوا لها حرمه ..
 
قال الشعب شالحيله .. شنهو الحل شنسوي ..
قالوا روحو المجلس .. وخلو صوته يدوّي ..
 
رحنا للمجلس وشفنا
للاسف بس اكتشفنا
شي غير اللي عرفنا
كل عضو چيكه بيمينه
 
واللي ماباعو الضماير
و مارضو في هاللي صاير
وقّفوا والشعب ثاير
حطو يدينهم بدينه
 
احتمى الشعب كله .. وعن دروب المعالي
ما تصد الرجال ..
 
ما رضو بالمذله .. وارخصوا كل غالي ..
في طريق النضال ..
 
وكل صعبٍ نحله .. وبيرق العز غالي ..
فوق روس الجبال ..
لقيناه .. مجلس يديد و منتخب 
وشفناه .. أوفى بوعده ما چذب ..
 
رديت للاحرار يا مجلس الامه ..
من عقب كل ماصار شعبك نسى همه ..
 
شامخ و عن غيره فرق .. اي والله
حاسب و كل اللي سرق .. عرفناه
فجأه رجعنا .. لـ ٢٠٠٩ ..
فجأه رجعنا فجأه رجعنا ..
خطأ اجرائي .. كذبه جريئه ..
خطأ اجرائي فجأه فجأه ..
 
الله الله يا شمس الفساد ..
وشلون وشلون حرقتي البلاد ..
 
الله يا كويت الله الله الله ياكويت 
شفتي الفساد
 
(الله لو تدرون شنهو اللي حصل) ..
شاللي حصل ؟
قول لي وشصار طمني شحصل ..
(شنهو بعد ..
يابو المرسوم واحتاس البلد ..
آه يا بلد ..
عزموا يملون ديرتنا نكد ..)
ليش النكد ؟؟
صوت واحد و اختلف بس العدد .. 
(بس العدد !!)
اي يبا بس العدد بس العدد .. 
(تدري شنو ؟؟
يعني الدستور مو عز و سند ..
راح السند ..)
لا تشائم خاف لا تظلم احد ..
انطر بعد ..
شوف هالمرسوم بيحل الامر ..
و بنستقر ..
وبتشوفون الفساد بيندحر ..
واخذوا الخبر ..
كلها چم يوم و لا چم شهر ..
ماهو دهر ..
والبلد يرتاح و يزول الخطر ..
وجهة نظر ..
(لا .. تقولون هذي وجهة نظر ..
والله خطر ..
هذا لو تدرون مرسوم الضرر ..
كله ضرر ..)
 
عندما استنجد الوطن ..
واشتكى الظلم و الوهن ..
قاطع الشعب كلهم ..
حتى لا يدفعوا الثمن ..
 
الكويت بلادنا الكوبت ..
دستورنا سورها ..
الكويت بلادنا الكويت ..
حراكنا نورها .. 
 
وطني ..
مهما يصير ..
انت المصير ..
 
انت الكبير بس انت .. 
ما يوم فينا خنت ..
 
آه يا وطن ..
ما راح نرضى تضيع ..
لجلك نبيع الروح و نوقّف جميع ..
بس ما تضيع ..
قد يعجبك ايضا

اترك تعليق

يرجي التسجيل لترك تعليقك

شكرا للتعليق

purchase brand viagra https://www.topdrugscanadian.com/buy-brand-viagra-online/